BANGKIT

Malam...,
 ketika dudu meratapi kehidupan
Saat termenung dalam kesedian
Jang ale taku
Par lalui waktu

Siang pun sama,sio kasiang.
Jang ale tarus inga keburukan dalam menjalani kehidupan
Tapi ale harus yakin akan ada kebahagiaan
Yang se seng tau karna tarus ada dalam keterpurukan

Ini bukan sajak tentang pujian maupun metafora
Ini mengenai harapan manusia pada cita-cita
Yang terpuruk karna urusan cinta
Yang tarus kasi luka

Jang ale taku
Jang ale ragu
Hadapi ale pung hidup yang ale rindu
Dan buktikan bahwasannya ale itu manusia yang seng lemah dan seng pandai mengelu
Pada dunia yang slalu biking jiwa ni akang luluh

Harus hidup karas macam sagu
Jang lombo macam bubur di atas tungku
Katong hidup par biking kisah
Bukan sedih la lupa bahagia

Gelap malam dan terang siang pun akan tatawa
Kalu lia ale masi sedih par cobaan dunia.
Hidup ni cuma sakali
La maksimal akang tanpa kata nanti

Ale harus kuat macam Martha deng Pattimura.
Ale... adalah Marta-marta mudah
Ale... adalah pattimura mudah
Yang akan biking perubahan par Negri tercinta

Seng bole pura-pura tuli
Karna cuma tagal  hati saki
Ale tu pahlawan-pahlawan muda
Yang akan biking perubahan par Negri yang katong cinta
Ale itu istimewa.

Ale tu istimewa
Lalu kanapa?.......ale tarbangkit
Jang jadi orang munafik
Yang pura-pura bahagia padahal hati ada konflik
Wee ...bangkit

Jang cuma pardidu
La lupa apa yang se tujuh.
Ale pung otak tu perlu asupan ilmu
Bukang kata-kata yang biking hati malele la biking rindu

Bangkit dan berevolusi
Dan jang barenti
Berkarya dang berkreyasi.
Patimura akang manangis
Martha akang paleti
Kalo lia ale tarus bagini

Katong jua harus berusaha
Menjadi yang terbaik dang terindah
Par biking bangga,
Par biking bangga Sodara-sodara deng orang tatua.

                                               (Mfft: 20 Des 2019)

AKSARA

Terlintas pikiran tentang ale
Yang membuat harapan seng mau malele.
Nona,yang biking hari pono  ceria
Biking kisah pono deng warna

Tawa yang seng mau barenti
Pada saat dekat deng ale pung kasih
Beta yang biking kisah
Deng ale yang kasi sampurna cerita

Beta yang seng tau barapa lama beta di bumi
Barapa lama beta menemani
Cinta yang katong jalani

Nona yang seng perna ingkari janji
Yang dia kasih par insan yang mencintai
Dan bukan par yang datang lalu ingkari
Dan yang pigi tampa permisi

Beso akan ada cerita yang berbeda
Tapi cinta dari ale pasti seng barubah
Karna ale adalah jiwa sejati yang seng taganti
Dalam banyaknya insan-insan duniawi

Beta seng perlu sebut nama
Biarkan sajak ini bercerita dan berbicara
Tanpa dong tau sapa yang beta puja
Dalam sajak yang biasa.

                                              mfft,18 Des 2019

Lima gambar dan kata-kata (sajak kuno)

1. Wanita

2. Semangat

3. Kopi

4. Waktu

5. Mananisi/Yaputih

Perjalanan(Sajak Kuno)

            
                           

                                     Perjalanan.

Seketika beta berteduh di bawah atap sagu
Dari hujan yang tarus jatuh

Dari jau beta memandang
Balia, ale pung estitik keindahan yang jarang beta jumpai.
Ujang yang seng mau barenti
Seolah-olah dia rindu pada semua yang ada di bumi

Ale... yang tarus nikmati tetesan-tetesan hujan
Dan beta yang seng barenti memandang
Dan berlari pandangan pada se pung keindahan

Rasa hati yang menjiwai keindahan tuhan
Dan  bersandar pada harapan-harapan
Harapan dimana beta ingin se hadir
Dalam suatu cerita yang akan beta  buat

Beta tau,
Hujan pasti  barenti
Hari jua akan baganti
Tapi rasa par ale ni akang pasti tasimpang sampe  mati.

Bahagia.., satu kata yang sering orang butuh
Par hubungan-hubungan yang seng mau runtuh
Pada perjalanan yang inging dong tujuh
Tapi beta seng yakinkan itu,

Karna yang beta bisa
Biking ale supaya jang terluka
Luka yang seng badara tapi saki sampe ka jiwa

Nona manis,
Beta seng taku kalo ale balari kasana kamari
Karna beta tau, kalo tuhan tau ale beta pung bahagia
Pasti tuhan akan kasih,
Dan seng akan ingkari.

                                    Mfft_10-Desember-2019.

sajak kuno

   Wanita hebat

"Seorang penyayang 
Cinta kasihnya setulus hati
Tak seperti senja dan mentari
Yang datang hanya nanti

Hidup untuk membuat keindahan
Bekerja untuk membuat kebahagiaan
Sang ratu hati,sang pembimbing jiwa
Dan seorang pahlawan manusia

Tidak perna mengenal lelah
Dan selalu membuat hari-hari yang begitu indah
Dialah Ibunda
Yang selalu kucinta".

                            [mfft]



   Negriku

"Sejuta pesona,
Seribu budaya.
Alam yang begitu indah
Negri yang begitu indah
Akan keragaman-keragaman dan budaya

Persatuan dan kesatuan abadi
Yang dikuatkan oleh pelukan ibu pertiwi 
Dan tak bisa di goyahkan oleh masalah atapun materi.

Seperti pelangi yang di isi oleh warna-warna yang berbeda hingga terlihat indah
Sama haln-ya dengan Negriku,
Yang di isi dengan berjuta perbedaan hingga menjadi sempurna.

Indonesia,Indonesia,Indonesia-Ku".

                                 [mfft]